K A L C I F O R N O
Bonvenu
al Hotelo Kalciforno! Spite al ĉiuj ŝajnoj la nomo de la
hotelo neniel rilatas al la titolo de iu tre bone konata ŝlagro, kvankam nia
hotelo estas multe pli terura ol tiu priskribita en la kanto.
Nia hotelo havas ankaŭ nenion komunan kun la forno en kiu oni bakas kalkŝtonon, do ne timu. Ĉu estas io al kio
rilatas la nomo de nia hotelo? Jen bona puzlo. Se vi volus
ekprovi solvi ĝin antaŭ ol vi gustumos narkotan dolĉecon de la plej terura
enuo, kiu atendas vin ĉi tie malpacience, vi povas viziti la najbaran
trinkejon, por serĉi tie iujn inspirojn, sugestojn aŭ sufloraĵojn – se ne, tiam,
bonvolu, enhoteliĝu.