Ĉiu ekspozicio de miaj libroj estas la libro en kiu aliaj malpli grandaj libroj estas literoj, vortoj kaj frazoj. Ĉiu mia libro estas la ekspozicio en kiu ekspoziciaĵoj estas literoj, signoj, vortoj, frazoj, paperoj, bindaĵoj, desegnaĵoj, lingvoj, tekstoj... Ĉiu ekspozicio estas puzlo kies eroj estas diversaj libroj, kutimaj kaj nekutimaj, ordinaraj kaj neordinaraj, libroj-stratoj, libroj-pejzaĝoj, libroj-domoj, libroj-helikoj, libroj-montoj, libroj-birdoj, fraktalaj traktoj... Ĉiu ekspozicio estas fragmento de alia, multe pli granda puzlo, samkiel ĉiu libroj estas nur la litero en alia, multe pli granda librego... Mi kunmetas tiun ĉi puzlon jam de kelkdek jaroj. Okupo belega, sed paralizanta, ja mi ne scias, kaj eble neniam scios, kiom da puzleroj mankas, ĉar mi ne scian ankaŭ kian bildon mi kunmetas. Vere bizara ludo tio estas. Tamen mi daŭre kaj senĉese kunmetas la puzlerojn.