 |
 |
 |
 |
 |
|
|
| Radosław
Nowakowski Malpriskribaĵo de la mondo (parto tria) versio unua: leporelo (1988-1999) - 6
ekzempleroj estis faritaj (tajpilo, kserokopiilo,
mane faritaj desegnaĵoj, printilo nadla kaj inka,
malmola bindaĵo tola)
versio dua: sablohorloĝo (du
kodeksoj kunigitaj dorse) (2000)
- 1 ekzemplero estis farita (printilo inka)
versio tria: kalendaro ISBN: jaro: 2009 formato: A4 kovrilo: mola (bindaĵo japana) + kartona skatolo papero: 100g, blanka printo: inka printilo lingvo: Esperanto eldono aperta Imagu la
nevideblan paralelepipedon. Metu ĝin en arbaro
parte entere. Esploru ĝin pere de la tomografo
literatura. Rezulte vi ricevos 365 foliojn, do
365 tagojn kaj 365 noktojn. Vi malfermas la
libron levante supren la unuan folion kaj vi
komencas vojaĝi tra imagitan paralelepipedon,
ekde la pinta paĝo tavolo, ĝis la funda. Se vi
prenos unue la tagan parton tiam vi vojaĝos
tra spaco, de la ĉielo ĝis la teron, kaj ĉiu
paĝo estos unu tago. La nokto troviĝos je la
alia paĝo de la folio, inversigita, kvazaŭ
respeguliĝo de la tago. Se vi prenos unue la
noktan parton, tiam vi vojaĝos tra tempo, de
estanteco (aŭ de kelkaj neklaraj vizioj
estontecaj) al estinteco, ĝis la Granda
Eksplodo aŭ eĉ pluen. La parto taga estas
printita kolore. La parto nokta, sonĝa, estas
preskaŭ tute printita nigre. Ĉiu paĝo estas ia
tutaĵo, kvazaŭ paĝo-bildeto kaj pro tio la
libro havas strukturon malkontinuan,
diskretan. La fino estas la komenco kaj la
komenco estas la fino, sed oni povas komenci
legi la libron ajnloke, ĉiu tago kaj ĉiu nokto
povas ja esti jarkomenco. Kiam vi tralegos la
tagan parton vi turnas la libron kaj povas
legi la parton noktan. Jen la ciklo diurna
enhava la ciklon jaran kiu samtempe enhavas
eonojn... Troveblas ankaŭ multegaj “efektoj
pli aŭ malpli specialaj”, koincidoj,
kunmetaĵoj, najbaraĵoj ..... plimulto da ili
precize pripensitaj, iuj tute hazardaj.
Ne, mi ne volis, ke ĝi estu la
priskribaĵo de iu loko en l’arbaro. Mi ne volis, ke ĝi estu la
modelo de tiu ĉi loko. Mi volis, ke ĝi estu tiu ĉi loko mem. Sendube mi ne sukcesis.
  |
 |
 |
 |
 |
 |
 |
 |
 |
 |
 |
  |