Radosław Nowakowski kaj Sabina Nowakowska
Sekreta kroniko de Sabina - la kvina aŭtuno

versio unua (2001-2017): labirinto
dekkelkaj ekzempleroj estis faritaj; pro tro komplika kaj penega produktado en 2017 ĝin  anstataŭis pli simpla versio karuzela

versio dua: karuzela
ISBN: 978-83-61946-0
jaro:  2001 / 2017
formato: 25x25 cm
kovrilo: kruda malmola kartono + skatolo
papero: blanka 160g
printo: inka printilo
lingvo: pola-bleblaja
eldono aperta


Jen tre labirintuma kaj neniun edukanta historio pri tio kiel iu knabineto scipovanta skribi ĉiudirekte transformiĝas eĉ por si mem nerimarkeble en la knabineton scipovantan skribi nur de maldekstre al dekstre kaj konsideranta ĉiujn aliajn skribdirektojn kiel bizarajn kaj kompatindajn kaj ŝanĝendajn je tiu ununura ĝusta kaj natura... Aŭ pri tio kiel homo anstataŭ iĝi sapiens iĝas catholicus aŭ polonicus aŭ britanicus aŭ islamicus aŭ sovieticus aŭ democraticus aŭ... preskaŭ neniam iĝas homo homicus...
Printita per tiparo speciale projektita je la bazo de unuaj literoj skribitaj de Sabina (por ke filozofado ne estu troa folado). Fone (aŭ fronte) ŝiaj desegnaĵoj kaj pentraĵoj: plej fruaj, unuaj kaj postaj. Kaj iufoje kaj iuloke literoj stampitaj. Kompreneble tutan tempon oni devas turni la libron (samkiel oni turnas katon voste antaŭen).