Mi ne memoras, ĉu tiu eĉ tro subtila
korteganino menciis iele ŝtrumpetojn
en siaj notoj ĉe la kuseno. Mi memoras
vere bone, ke almenaŭ kelkfoje ŝi menciis
manikojn – prefere koloron de interno de
manikoj larĝaj, vastaj kiel flugiloj, kiu
delikate aŭ kolere fulmis (aŭ fulmetis) en
ombroza ĉambro aŭ sur la fono de verdo ĉe
la vojo laŭ kiu malrapide estis rampanta la
procesio de noblaj damoj kaj kavaliroj .....
Pri ŝtrumpetoj nenio. Silento. Kaj ja sendube
foje ili brilis blanke inter riĉaj freŝaj tigoj
de gresoj kaj herboj interplektitaj kun jam
sekiĝintaj trunketaĉoj. Samkiel ventro de sciuro
en kaoso de folioj kaj branĉetoj. Aŭ klarega plumo
en birda flugilo...... Ĉiam blankaj..... Eble jes.
Plej ofte blankaj. Kutime blankaj...... Kaj ĉiam
portataj kun sandaloj...... Ĉu ili tie tiam havis
aliajn ŝuojn ol sandalojn? Prefere getaojn – ili
iris sur senserifa litero T kun duobla gambo – aŭ
sur du literoj T kun komuna trabeto: TT . . . . .
Interesa estas ankaŭ tio, ke ŝi ne verkis pri modo.
Ŝi verkis pri kompozicioj de koloroj. Pri bildoj.
Pri eskvizitaj vidaĵoj. Pri reciprokaj rilatoj inter
koloraj makuloj. Modo tiam ne ekzistis. Formoj de
vestoj estis difinitaj unufoje (aŭ dufoje aŭ trifoje)
por ĉiam kaj estis neŝanĝeblaj. Ŝanĝeblaj estis nur
koloroj, desegnaĵoj, surfacoj, ŝtofoj, nuancoj,
aranĝoj de faldoj . . . . . .
Nu, vere. Ne ekzistas modo. Ekzistas nur beleco. Pri beleco ni tordu niajn kapojn.
Duonon da jaro nudpiede – duonon da jaro ŝtrumpete. Tiele estus bone. Sed ne estas tiele.
Unu trionon da jaro nudpiede – du trionojn da jaro ŝtrumpete. Tiele estas. Kaj ne estas plej malbone.
Du trionojn da jaro dividitaj por dikaj kaj maldikaj ŝtrumpetoj. Ne estas facile difini la proporcion.
Estas ege malfacile fari tion. Povas okazi, ke dum unu sama tago mi metas kaj la dikajn kaj la maldikajn.
Okazas ankaŭ, dum tagoj frostegaj, ke mi metas la dikajn sur la maldikajn.....
Jen ĉio? Jen ĉio. Nenio pri koloroj. Por ke ni ne vekiĝu la noblan korteganinon, kiu ekdormis metinte
la kapon apud peniketoj, inkon kaj tukoj de papero antaŭ multe multe da paroj de ŝtrumpetoj. >>>>
korteganino menciis iele ŝtrumpetojn
en siaj notoj ĉe la kuseno. Mi memoras
vere bone, ke almenaŭ kelkfoje ŝi menciis
manikojn – prefere koloron de interno de
manikoj larĝaj, vastaj kiel flugiloj, kiu
delikate aŭ kolere fulmis (aŭ fulmetis) en
ombroza ĉambro aŭ sur la fono de verdo ĉe
la vojo laŭ kiu malrapide estis rampanta la
procesio de noblaj damoj kaj kavaliroj .....
Pri ŝtrumpetoj nenio. Silento. Kaj ja sendube
foje ili brilis blanke inter riĉaj freŝaj tigoj
de gresoj kaj herboj interplektitaj kun jam
sekiĝintaj trunketaĉoj. Samkiel ventro de sciuro
en kaoso de folioj kaj branĉetoj. Aŭ klarega plumo
en birda flugilo...... Ĉiam blankaj..... Eble jes.
Plej ofte blankaj. Kutime blankaj...... Kaj ĉiam
portataj kun sandaloj...... Ĉu ili tie tiam havis
aliajn ŝuojn ol sandalojn? Prefere getaojn – ili
iris sur senserifa litero T kun duobla gambo – aŭ
sur du literoj T kun komuna trabeto: TT . . . . .
Interesa estas ankaŭ tio, ke ŝi ne verkis pri modo.
Ŝi verkis pri kompozicioj de koloroj. Pri bildoj.
Pri eskvizitaj vidaĵoj. Pri reciprokaj rilatoj inter
koloraj makuloj. Modo tiam ne ekzistis. Formoj de
vestoj estis difinitaj unufoje (aŭ dufoje aŭ trifoje)
por ĉiam kaj estis neŝanĝeblaj. Ŝanĝeblaj estis nur
koloroj, desegnaĵoj, surfacoj, ŝtofoj, nuancoj,
aranĝoj de faldoj . . . . . .
Nu, vere. Ne ekzistas modo. Ekzistas nur beleco. Pri beleco ni tordu niajn kapojn.
Duonon da jaro nudpiede – duonon da jaro ŝtrumpete. Tiele estus bone. Sed ne estas tiele.
Unu trionon da jaro nudpiede – du trionojn da jaro ŝtrumpete. Tiele estas. Kaj ne estas plej malbone.
Du trionojn da jaro dividitaj por dikaj kaj maldikaj ŝtrumpetoj. Ne estas facile difini la proporcion.
Estas ege malfacile fari tion. Povas okazi, ke dum unu sama tago mi metas kaj la dikajn kaj la maldikajn.
Okazas ankaŭ, dum tagoj frostegaj, ke mi metas la dikajn sur la maldikajn.....
Jen ĉio? Jen ĉio. Nenio pri koloroj. Por ke ni ne vekiĝu la noblan korteganinon, kiu ekdormis metinte
la kapon apud peniketoj, inkon kaj tukoj de papero antaŭ multe multe da paroj de ŝtrumpetoj. >>>>
